من كيفنا.....؟؟؟
من كيفنا فى الصبر يا حبًان
ومن زيًنا نحنا أف هالزمان
نحنا فزعة المظلوم
وديما أشداد أعزوم
وأنبيعها الارواح عالاوطان
من كيفنا كان جارت الايام
واللا تبدًل نورنا أبظلام
إنشيل الحمول إنشيل
ولا نتكى ولا إنميل
ومانا اللى نركع إن فاض الكيل
ولانا إللى نبكى عقاب الليل
كيف النخل صامدين فى الميدان
من كيفنا نحنا أصحاب عصر
ونحنا إللى نصبر عليه المرً
ونحنا إللى إنديًر أسنين الشرً
وعارفينهن لارزاق عالحنًان
إن جا خير لانطغى ولا نغترً
وفى الضيًق تلقانا أنزيد إحسان
من كيفنا نحنا الليبيين
أصحاب الشهامه والكرم والدًين
نحنا فى الشجاعه بصيت مشهورين
تلقى الفطيم يسبق على الميدان
لا أنعيب لا نغضب وحمًالين
إنشيل السًوايا أتكون مهما كان
ونحنا إللى حاطين فلسطين
فوق راسنا وفى القلب والوجدان
هاضوم خوتنا بصحيح دم ودين
وحقهم علينا فرض م الرحمان
وياريت يرجع يوم من حطًين
وياريت نبقى كى رجال زمان
وياريتهم حُكامنا صاحيين
وإديروا قرار إردهم شجعان
وإنظفوا تاريخ أسود شين
وماعاد يبقوا ذيول أمريكان
نحنا أصحاب النًوره
ونفرح أتكون بلادنا منصوره
وما أتثيرنا نعرة رياضة كوره
وموحال ما فينا سليط ألسان
فى عرف الرياضه الفوز موش ضروره
رياضة تعصب من عمل شيطان
نحنا أحمات الدًار
ونحنا إللى نمسح أبدم العار
ونحنا إللى إنجيبه جلوب الثار
وما أنخاف والراعى الله سبحان
نحمى تراب الوطن م الاشرار
نفنى ولا الوطن العزيز ينهان
فى وطننا ما أنفرط ومهما صار
هو روحنا هو عينًا الغونان
وما نرتضى نشبع وجا الجار
ترقد ضناهم رقدة الجيعان
ولا نيدموا وهلنا طعام قفار
ولا نشربوا وأهناك من عطشان
ولا نلبسوا ونزينوا أبعطار
وفى وطننا الشقيق بردان
هذى أخلاقنا مانا إللى تجًار
ولا نا إللى يكذب قليل إيمان
نحنا فى العرب ديًاره
نحنا عالعرب من بينهم نغاره
أنثور للعروبه أبجد موش أبصاره
والوطن بيننا والدين للديًان
جميع العرب كان يرغبوا فى زياره
نقول يا مراحب نفتحوا البيبان
لهم أفضليه كان يرغبوا فى تجاره
ولهم أسبقيه قبل أى إنسان
وراه فيهم إللى مانع علينا الزياره
كى قطر كى البحرين كى لبنان
وفيهم إللى إوافق وبالقطاره
كى دبى كى الكويت كى عُمان
وأرض الرسول والرسول وداره
ممنوعه علينا ليش يا حبًان
وين الاخوًه يا عرب بهباره
مفروض نحنا قبل لامريكان
عيب يا عرب منكم وموش حضاره
الغرب صاحب ونحنا إللى عدوان
نقاط
السٌّمعَة
تاريخ التسجيل